Сдвіжкоў знайшоўся!

Аляксандр Сдвіжкоў, сябра Мінскага абласнога камітэта Беларускай сацыял-дэмакратычнай партыі (Грамады) і вядомы пісьменнік, які піша на рускай мове і працуе пад літаратурнымі псеўданімамі «Алекс Экзалтер», «Иван Катавасов» і «Алекс Майкл Экзалтер», нарэшце знайшоўся!

Амаль тры месяцы ён не адказваў на электронныя лісты і званкі на яго хатні і мабільны тэлефоны. Двойчы Сдвіжкова не заспелі дома яго паплечнікі і сацыял-дэмакраты Віталь Рудкоўскі, а таксама аўтар гэтых радкоў. Таму я наведаў Барысаўскі РАУС і падаў заяву аб знікненні Аляксандра Сдвіжкова маёру міліцыі следчаму Анастасіі Кавалёвай. Яна займалася пашуковай справай аб знікненніі яго маці Аляксадра — Анны Цімафееўны Сдвіжковай амаль два гады таму.

І вось вечарам 20 лютага міліцэйская каманда выехала ў Печы, і Сдвіжкоў адчыніў ім дзверы сваёй кватэры. Гэта радасная навіна, што нарэшце знайшоўся сябра Мінскага абкама БСДП.

Аляксандр АБРАМОВІЧ, старшыня Мінскай абласной арганізацыі БСДП