Амністыя: хто пад яе трапляе

Законапраект аб амністыі ў сувязі з 75-годзьдзем вызвалення Беларусі ад нямецка-фашысцкіх захопнікаў ўхваліў Аляксандар Лукашэнка, дакумент унесены на разгляд у парлямент,  дзяржаўны тэлеканал «Беларусь-1».

Паведамляецца, што амністыя закране так званыя льготныя катэгорыі грамадзян:

– непаўналетніх,

– цяжарных жанчын,

– бацькоў-адзіночак, якія выхоўваюць дзяцей да 18 гадоў,

– інвалідаў і невылечна хворых.

Таксама на амністыю могуць разьлічваць тыя, у каго ёсьць заслугі перад краінай:

– вайскоўцы, якія бралі ўдзел у баявых дзеяньнях,

– ліквідатары аварыі на Чарнобыльскай АЭС.

А вось асуджаным за наркотыкі чакаць амністыі не выпадае. Адказваючы 19 красавіка на пытаньні дэпутатаў пасьля звароту з пасланьнем Лукашэнка адзначыў, што ніякай амністыі не будзе ні для вытворцаў, ні для распаўсюджвальнікаў наркотыкаў.

Амністыі для асуджаных паводле наркатычных артыкулаў патрабуе рух «Маці 328». Актывісткі руху, дзеці якіх адбываюць пакараньне за наркотыкі, некалькі разоў арганізоўвалі мітынгі каля парлямэнту, каб да гэтай праблемы прыслухаліся. І цяпер некалькі актывістак трымаюць галадоўку, патрабуючы перагляду антынаркатычнага заканадаўства. Праблема ў тым, што нават за маленькія порцыі наркатычных рэчываў людзям даюць вялікія турэмныя тэрміны.

Законапраект аб памілаваньні на даручэньне Лукашэнкі распрацавала Міністэрства ўнутраных спраў Беларусі разам з Вярхоўным Судом і Генпракуратурай. Чакаецца, што яго разгледзяць 26 чэрвеня на сэсіі Палаты прадстаўнікоў. Пасьля разгляду дэпутатамі праект перададуць у Савет Рэспублікі, а потым на падпісаньне Лукашэнку.

Апошні раз амністыя праводзілася 4 гады таму. Сёлета пад амністыю могуць трапіць каля 10-12 тысяч чалавек.

Прешакрыніца:svaboda.org

Добавить комментарий

Ваш e-mail не будет опубликован. Обязательные поля помечены *